АНУ-ын Ерөнхийлөгч Дональд Трамп Ирантай байгуулсан гал зогсоох хэлэлцээрийг Пакистаны хүсэлтээр хугацаагүй сунгаж буйгаа мэдэгдлээ.
АНУ-Ираны хооронд 4 дүгээр сарын 8-нд хэрэгжиж эхэлсэн 2 долоо хоногийн гал зогсоох тохиролцоо өнөөдөр буюу 4 дүгээр сарын 22-нд дуусах ёстой байсан ч ийнхүү тодорхойгүй хугацаагаар сунгагдав.
Трамп 2026 оны 4 дүгээр сарын 22-ны өдөр Truth Social сүлжээнд бичихдээ Пакистаны Ерөнхий сайд Шехбаз Шариф болон армийн командлагч Асим Мунир нарын хүсэлтээр цэргийн ажиллагааг түр хойшлуулсан гэжээ. Тэрээр “Ираны дотоод улс төр хуваагдалтай хэвээр байгаа тул нэгдсэн байр суурь гаргах хүртэл халдлагыг зогсоож байна” хэмээн онцолсон байна.
Гэвч АНУ Ираны боомтуудад тавьсан далайн бүслэлтийг үргэлжлүүлэхээ мэдэгдэж, энэ нь Тегеранд өдөрт ойролцоогоор 500 сая ам.долларын эдийн засгийн хохирол учруулж буйг дурджээ.
Харин Ираны тал хэлэлцээрийг үргэлжлүүлэх эсэх дээр эцсийн шийдвэр гаргаагүй байна. Ираны Гадаад хэргийн яамны хэвлэлийн төлөөлөгч Исмаил Багей АНУ-ын бүслэлтийг “хүлээн зөвшөөрөх боломжгүй” гэж мэдэгдэж, “сүрдүүлгийн дор” яриа хэлэлцээ хийхгүй гэдгээ илэрхийллээ.
Эх сурвалж: NBC News, Reuters
#Иран #АНУ #Трамп #ГалЗогсоол #ХормузынХоолой #Пакистан #Iran #USA #Trump #Ceasefire #MiddleEast #Shortlymn
