Куба улсад эрчим хүчний гүн хямрал нүүрлэж, үүний улмаас агаарын хөлгийн шатахуун (Jet A-1)-ы нийлүүлэлт тасалдсанаар олон улсын болон дотоодын нислэгүүд олноор цуцлагдаж, саатал ихээр гарч байна.
Хямралын гол шалтгаанууд:
Валютын хомсдол: Импортын түлш худалдан авах төлбөрийн чадвар буурсан.
Логистикийн саатал: Дэд бүтэц болон боловсруулах үйлдвэрүүдийн техникийн гэмтэл.
Эдийн засгийн хориг: Удаан хугацааны худалдааны хязгаарлалтууд нийлүүлэлтэд сөргөөр нөлөөлсөөр байна.
Иргэний нисэхийн салбарт үүссэн хүндрэл:
Олон улсын болон дотоодын нислэг: “Cubana de Aviación” ихэнх дотоодын нислэгээ тодорхойгүй хугацаагаар зогсоов. Мөн Air Canada Кубын нислэгүүдээ тодорхойгүй хугацаагаар цуцалсан байна.
Зардлын өсөлт: Гадаадын компаниуд шатахуунаа дундын замаас (Мексик, Флорида) авах эсвэл ирэх, очих шатахуунаа бүтэн тээвэрлэж (tankering) ирж байгаа нь зардлыг улам нэмэгдүүлж байна.
Зорчигчид: Хосе Марти олон улсын нисэх буудалд мянга мянган зорчигч 24-өөс дээш цагаар саатаж байна.
Хятадын дэмжлэг:
Сайн мэдээ гэвэл, Хятад улсын Гадаад хэргийн яам Кубад санхүүгийн болон бусад тусламж үзүүлэхэд бэлэн байгаагаа мэдэгдлээ. Ажиглагчид үүнийг Хятадын Латин Америк дахь геополитикийн нөлөөгөө хадгалах стратегийн чухал алхам гэж үзэж байна.
Эх сурвалж: Reuters, Associated Press
#Куба #НислэгСаатал #Авиаци #JetFuel #CubaCrisis #Хятад #ЭрчимХүч #МэдээМэдээлэл #CubaNews #Aviation
