Элон Маск 3 дугаар сарын 21-ний өдөр Техасын Остин хотод “Terafab” нэртэй хагас дамжуулагчийн асар том үйлдвэр байгуулна гэж зарлав. Уг үйлдвэр нь Tesla-ын автомашин, SpaceX-ийн сансрын хөлөг, Optimus хүн хэлбэрийн роботуудад зориулсан чип үйлдвэрлэхэд чиглэгдэх юм байна.
Terafab нь Tesla, SpaceX, xAI гурван компанийн хамтарсан 25 тэрбум ам.долларын төсөл бөгөөд Маск “түүхэн дэх хамгийн агуу чип үйлдвэрлэлийн төсөл” хэмээн тодорхойлов. Уг байгууламж нь чип зохион бүтээлт, литографи, үйлдвэрлэл, санах ойн бүтээгдэхүүн, савлалт, туршилт зэрэг бүхий л үе шатыг нэг дээвэр доор нэгтгэх зорилготой.
Terafab жилд нэг терaваттаар хэмжигдэх хүчин чадлыг үйлдвэрлэхээр зорьж байгаа бөгөөд энэ нь одоо дэлхийн бүх дэвшилтэт чип үйлдвэрлэгч компаниудын нийт гаралтын хэмжээнээс ойролцоогоор 50 дахин их хэмжээ юм.
Гэвч Bloomberg-ийн тэмдэглэснээр Маск нь хагас дамжуулагч үйлдвэрлэлд ямар ч туршлагагүй, Hyperloop болон бүрэн автомат жолоодлогын технологийн хугацааг хэтрүүлэн амласан түүхтэй хүн юм гэжээ. Барилгын эхлэх огноо, дуусах хугацааг тодорхойлоогүй байна.
Эх сурвалж: Reuters, Bloomberg
#Terafab #ElonMusk #Tesla #SpaceX #AI #Chips #Технологи #shortlymn #шортлимн
