АНУ-ын Дэд ерөнхийлөгч Ж.Д. Ванс болон түүний эхнэр Уша Ванс нар 1 дүгээр сарын 20-нд олон нийтэд дөрөв дэх хүүхдээ хүлээж буйгаа зарлалаа. Тэдний мэдэгдлээр шинэ хүүхэд нь хүү бөгөөд 2026 оны 7 дугаар сард төрөх юм.
Гэр бүлийн шинэ гишүүн нь Эван (Ewan), Вивек (Vivek), Мирабел (Mirabel) нарын дүү болох аж.
Уша Ванс нь албан тушаалаа хашиж байх хугацаандаа жирэмсэн болсон анхны “Хоёрдугаар хатагтай” болж буйгаараа онцлог бөгөөд энэ нь АНУ-ын улс төрийн түүхэнд шинэ хуудас нээж байна.
Хосууд баярт мэдээгээ нийгмийн сүлжээгээр хуваалцаж “Уша болон хүүхэд сайн байгаа. Бид бүгд хүүтэйгээ учрахыг тэсэн ядан хүлээж байна” хэмээн бичжээ.
Мөн тэд нийтийн эрүүл мэндийн баг, цэргийн эмч нар болон хамтран ажиллагсдадаа талархал илэрхийлж, төрийн албыг хашихын зэрэгцээ гэр бүлээ өсгөхөд үзүүлж буй дэмжлэгийн ач холбогдлыг онцолсон байна.
Эх сурвалж: Associated Press
