Хойд Солонгосын удирдагч Ким Жон Ун улсынхаа зэвсгийн үйлдвэрт очиж шинээр үйлдвэрлэсэн буу, зэр зэвсэг, цэргийн техникүүдтэй биечлэн танилцжээ. Тэрээр өөрийн залгамжлагч байж магадгүй гэж олон улсын ажиглагчдын үздэг өсвөр насны охин Ким Жу Ай-г дагуулж явсан нь олны анхаарлыг татсан байна.
Ким Жон Ун зэвсгийн үйлдвэр нь армийн байлдааны чадварыг нэмэгдүүлэхэд маш чухал үүрэгтэй хэмээн онцолж, үйлдвэрлэлийг шинэчилж хүчин чадлыг нэмэгдүүлэхийг үүрэг болгожээ.
Энэхүү үйлдэл нь Пхеньяны зүгээс пуужингийн туршилт, цэргийн сүрт парад, зэвсгийн үйлдвэрлэлийн дүрс бичлэгийг төрийн хэвлэлээр идэвхтэй сурталчилж буй цаг үед болж байгаа бөгөөд Хойд Солонгос бүс нутаг дахь цэргийн имиджээ улам бүр тодотгож буй хэрэг юм.
Эх сурвалж: Associated Press
#KimJongUn #NorthKorea #KimJuAe #Military #WeaponsFactory #Geopolitics #AsiaSecurity
#КимЖонУн #ХойдСолонгос #Зэвсэг #ЦэрэгАрми #ОлонУлс #ДэлхийнМэдээ #Shortlymn
