2026 оны 6 дугаар сарын 26-ны баасан гарагийн орой Бээжин хотын хамгийн өндөр барилга болох CITIC Tower (China Zun)-ын өндөр давхарыг жижиг хэмжээний хөнгөн нисэх онгоц мөргөсөн хэрэг гарлаа. Ослын дараа барилгын шилэн фасадын хоёр хэсэг эвдэрч, хэлтэрхий доош унасан тул онцгой байдлын алба барилгын орчмыг бүрэн бүсэлж, барилгад байсан ажилтан, иргэдийг яаралтай нүүлгэн шилжүүлжээ.
Ослын газар олон тооны гал унтраах, түргэн тусламж, цагдаагийн автомашин ажилласан бөгөөд ойр орчмын замуудыг түр хугацаанд хаасан байна. Хятадын эрх баригчид одоогоор хүний амь нас эрсдсэн болон бэртэж гэмтсэн хүмүүсийн талаар албан ёсны мэдээлэл өгөөгүй бөгөөд ослын шалтгааныг шинжлэн шалгаж эхэлжээ.
Энэ хэрэг олон улсын анхаарлыг татаж буй шалтгаан нь Бээжин хот дэлхийн хамгийн хатуу агаарын орон зайн хяналттай бүсүүдийн нэг бөгөөд хувийн болон жижиг онгоцнууд тусгай зөвшөөрөлгүйгээр нисэх бараг боломжгүйд оршиж байна. Иймээс аюулгүй байдлын ноцтой зөрчил яагаад гарах болсон шалтгааныг мөрдөн шалгаж байна.
Эх сурвалж: CCTV
