АНУ-ын Төрийн нарийн бичгийн дарга Марко Рубио Хятад руу нисэж явахдаа өмссөн хувцас нь нийгмийн сүлжээнд олны анхаарлыг татаад байна. Цагаан ордны харилцаа холбооны захирал Стивен Чүн “X” нийгмийн сүлжээнд түүний Nike Tech спорт хувцастай зургийг тавьсан нь Венесуэлийн эрх баригч байсан Николас Мадурог баривчлах үед өмссөн хувцастай яг ижил байжээ. Энэхүү үйлдэл нь санаандгүй тохиолдол биш гэж шинжээчид үзэж байна.
Эргэн сануулахад 2026 оны 1 дүгээр сард АНУ-ын цэргийн “Delta Force” хүчин Каракасад тусгай ажиллагаа явуулж Венесуэлийн ерөнхийлөгч асан Николас Мадуро болон түүний эхнэрийг баривчилж АНУ-руу албадан авчирч байсан билээ. Тэр үед Мадуро яг ийм саарал Nike Tech спорт хувцастай, нүдээ боогдсон, чихний шуугиан хаагч зүүсэн байсан юм.
Зарим эх сурвалжууд Цагаан ордон энэ зургийг нийтэлсэн нь Мадурогийн баривчлах ажиллагааг Рубио өөрөө зураглан төлөвлөсөн гэдгийн бэлгэдэл гэж тайлбарлаж байна.
Энэхүү спорт хувцасны төрөл нь өнгөрсөн 1-р сараас хойш онлайнаар гэнэт алдартай болсон бөгөөд Google Trends дээр “Nike Tech” хайлт оргил үедээ хүрч одоогоор бэлэн худалдаалагдахгүй байгаа юм.
Ямартай ч Рубиогийн энэхүү учир битүүлэг үйлдэл өнөөдрийн АНУ-ын төрийн тэргүүний Хятад дахь айлчлалыг илүү сонирхолтой эхлүүлж байна.
Эх сурвалж: Fox News
#ШортлиМэдээ #Shortly #МаркоРубио #MarcoRubio #NikeTech #Maduro #Мадуро #Венесуэл #Venezuela #AirForceOne #ChinaVisit #ТрампинАйлчлал #USPolitics #ВирусМөч #ViralMoment #ДэлхийнМэдээ #WorldNews #Геополитик
