АНУ-ын Ерөнхийлөгч Дональд Трамп БНХАУ-ын нийслэл Бээжин хотод газардлаа. Түүний айлчлал албан ёсоор эхэлж байна.
АНУ-ын Ерөнхийлөгч Дональд Трамп БНХАУ-ын нийслэл Бээжин хотод газардаж, түүний айлчлал албан ёсоор эхэллээ. Айлчлал 2026 оны 5 дугаар сарын 13-15-ны хооронд үргэлжилнэ.
Бээжингийн Капитал олон улсын нисэх буудалд Трампыг БНХАУ-ын дэд дарга Хан Жэн тэргүүтэй өндөр түвшний төлөөлөгчид угтан авав. Хан Жэн нь Ши Жиньпиний дипломат арга хэмжээний тусгай төлөөлөгчөөр алдартай бөгөөд өнгөрсөн 2025 онд Трампын тангараг өргөх ёслолд оролцож байсан юм. “Air Force One” онгоцноос буух Трампыг угтан 300 хүүхэд цэнхэр, цагаан өнгийн дүрэмт хувцастай АНУ болон БНХАУ-ын төрийн далбааг даллаж угтжээ.
Айлчлалын хүрээнд Трамп маргааш Ши Жиньпинтэй албан ёсны хэлэлцээ хийх бөгөөд эдийн засаг, худалдаа, газрын ховор элемент, технологи, Тайваны асуудал, Ираны дайн зэрэг олон чухал асуудлуудыг хэлэлцэхээр төлөвлөж байна. Үүний дараа Тэнгэрийн сүм цогцолборт зочилж, төрийн зоог барих юм.
Энэхүү айлчлал нь АНУ-ын ерөнхийлөгчийн БНХАУ-д хийж буй есөн жилийн дараах анхны айлчлал бөгөөд Трампын хувьд 2017 оны 11 дүгээр сард айлчилж байснаас хойш хоёр дахь айлчлал юм.
Эх сурвалж: CNN
#ШортлиМэдээ #Shortly #Trump #ТрампинАйлчлал #DonaldTrump #ДональдТрамп #Xi #ШиЖиньпин #XiJinping #China #Хятад
