Сомали улсын Иргэний нисэхийн ерөнхий газрын захирал Ахмед Моаллим Хассан хэвлэлд мэдээлэхдээ өнөөдөр “StarSky” авиа компанийн Fokker-50 загварын 55 зорчигчтой орон нутгийн нислэгийн зорчигч тээврийн онгоц Могадишу хотын Mogadishu International Airport-д осолдсон ч онгоцонд байсан бүх хүнийг аюулгүйгээр нүүлгэн шилжүүлэгдсэн гэж мэдэгдлээ.
Түүний хэлснээр, онгоц хөөрсний дараахан техникийн дутагдал илэрч, нисгэгч нисэх буудал руу буцан газардахаар шийдвэрлэсэн байна. Гэвч газардалтын үеэр удирдлага алдагдаж, онгоц хучилттай зурвасаас хазайж осолдсон аж.
Одоогоор амь насанд аюул учраагүй бөгөөд гэмтэл бэртлийн талаарх мэдээлэл баталгаажаагүй байна. Ослын шалтгааныг тогтоох мөрдөн шалгалт эхэлсэн бөгөөд нисэх буудлын ажиллагаа түр хугацаанд хязгаарлагдсан ч дараа нь хэвийн горимд шилжсэн гэж албаныхан мэдээлэв.
Эх сурвалж: Breaking Aviation News & Videos
