Унгарын парламентын сонгуульд сөрөг хүчний Тиша нам 199 суудлаас 138-ыг авч, үндсэн хуулийн дагуу олонхийг бүрдүүллээ.
Ерөнхий сайд Виктор Орбан 16 жил эрх барьсны эцэст ийнхүү ялагдал хүлээж, Петер Мадьярыг баяр хүргэн тахимаа өгслөө. Санал хураалтын ирц 80 хувьд хүрч, Унгарын ардчилсан түүхэн дэх рекорд тогтоосон байна.
Тиша намын дарга Петер Мадьяр ялалтын үгэндээ “Хамтдаа Орбаны дэглэмийг сольсон, хамтдаа Унгараа чөлөөллөө” гэж мэдэгдлээ. Мадьяр авлигатай тэмцэх, шүүх эрх мэдлийн бие даасан байдлыг сэргээх, Европын Холбоо болон NATO-той харилцааг засаж сайжруулах амлалт өгчээ.
Европын Холбооны Комиссын Ерөнхийлөгч Фон Дер Ляйен “Унгар Европыг сонгосон” гэж мэдэгджээ. Орбаны ойр дотны холбоотон байсан АНУ-ын Ерөнхийлөгч Трамп болон ОХУ-ын Ерөнхийлөгч Путин нарт энэ үр дүн хүнд цохилт болсон гэж шинжээчид үзэж байна.
Орбан “бид хэзээ ч бууж өгөхгүй” гэж мэдэгдэж, намаа сөрөг хүчний байр суурьнаас үйл ажиллагаагаа үргэлжлүүлнэ хэмээн мэдэгдсэн байна.
Эх сурвалж: Al Jazeera, CNN, NBC News, Reuters
Унгар #Сонгууль #Орбан #Мадьяр #Hungary #Election #Orban #Magyar #Европ
