Хятадын Гадаад хэргийн сайд Ван И 2026 оны дөрөвдүгээр сарын 9,10-ны өдрүүдэд Хойд Солонгосын Пхеньянд хоёр өдрийн айлчлал хийж байна.
БНХАУ болон БНАСАУ-ын харилцаа цар тахлын үеэр сулраад байсан бол энэ удаагийн айлчлалаар “стратегийн харилцаа, хамтын ажиллагааг гүнзгийрүүлэх” зорилго тавьжээ. Ван И Пёньянд айлчлахдаа Хойд Солонгосын Гадаад хэргийн сайд Чхве Сон Хүй болон удирдагч Ким Жон Унтай уулзаж, дээд түвшний харилцааг тогтмолжуулах, хамтын ажиллагааг өргөжүүлэх талаар тохиролцсон байна.
Хятад улс Хойд Солонгосын хамгийн том худалдааны түнш хэвээр байгаа бөгөөд өнгөрсөн жил экспорт нь 2.3 тэрбум ам.долларт хүрч, зургаан жилийн дээд амжилтад хүрсэн байна.
Ван И энэ айлчлалаасаа өмнө Ши Жин Пин болон Ким Жон Уны уулзалтыг “түүхэн” хэмээн дүгнэж, хоёр улсын харилцаа “шинэ шатанд” гарсан гэж мэдэгдсэн байна.
Тус айлчлал нь Ши Жин Пин болон АНУ-ын Ерөнхийлөгч Трамп нарын 2026 оны 5 дугаар сард зохион байгуулагдах уулзалтаас өмнө болж байгаа нь стратегийн ач холбогдолтой бөгөөд Пхеньян дахь Бээжингийн нөлөөг сэргээх оролдлого хэмээн шинжээчид үзэж байна.
Хятад улс Хойд Солонгостой харилцаагаа сэргээж, бүс нутгийн нөлөөгөө баталгаажуулах стратегийн алхам хийж байна. Энэ айлчлал нь АНУ, ОХУ, Солонгосын хойгийн геополитикийн тэнцвэрт шинэ хөдөлгөөн авчрах магадлалтай юм.
Айлчлал нь Хойд Солонгос цэргийн туршилтуудаа идэвхжүүлсэн, пуужин харвасан, бүс нутгийн хурцадмал байдал нэмэгдсэн үетэй давхцаж байна.
Эх сурвалж: UPI, Bloomberg, IRIA News
#ВанИ #ХойдСолонгос #Хятад #Пхеньян #Дипломат #WangYi #NorthKorea #China #Pyongyang #Diplomacy #KoreanPeninsula
