Шортли Шуурхай 2026.05.13

Дональд Трамп өнөөдөр Бээжинд хүрэлцэн ирж, Ши Жиньпинтэй худалдаа, Иран, Тайваны асуудлаар дээд хэмжээний уулзалт хийнэ.

Ираны дайны зардал АНУ-д 29 тэрбум долларт хүрч, Пентагоны мэдээлсэн 25 тэрбумын тооцооноос давжээ.

АНУ-ын инфляц 4-р сард 3.8 хувьд хүрч, 2023 оноос хойших дээд хэмжээндээ хүрсэн нь шатахууны үнийн өсөлттэй холбоотой.

Владимир Путин Орос “дэлхийн хамгийн хүчирхэг” хэмээх цөмийн дамжуулагч пуужингаа амжилттай туршсан гэж зарлав.

Олон Улсын Эрчим Хүчний Агентлаг газрын тосны дэлхийн нөөц 3-4 сард 246 сая баррелиар буурсныг рекорд тогтоосон бууралт гэж мэдээллээ.

Израйлын цохилтоор Өмнөд Ливаны Набатиа орчимд 13 хүн нас барж, гал зогсоох хэлэлцээр нурах эрсдэлтэй байна.

Сүүлийн үеийн шинэ судалгаагаар америкчуудын ихэнх нь Хятадыг эдийн засгийн өрсөлдөгч хэмээн үздэг болж байгаагаа илэрхийлжээ.

АНУ-ын Хүнс, эмийн удирдах газар (FDA)-ын дарга Доктор Марти Макари албан тушаалаасаа огцорсон нь Трампын засаг захиргааны дөрөв дэх томоохон халаа сэлгээ боллоо.

Калифорнийн нэгэн хотын дарга Эйлин Ванг Бээжингийн нууц төлөөлөгчөөр ажиллаж хуурамч мэдээлэл тарааж байсан хэрэгт буруутгагдлаа.

Францын Ерөнхийлөгч Эммануэл Макрон Найробид болсон Африкийн залуучуудын чуулга уулзалт дээр уригдалгүй индэр дээр гарч ирсэн нь оролцогчдыг хүндэлсэнгүй хэмээн шүүмжлүүлжээ.