БНХАУ-ын Сычуань мужид дэлхийн хамгийн анхны мегаватт ангиллын нисдэг (аргамжаатай) салхины эрчим хүчний систем болох SAWES S2000-ын анхны нислэгийн туршилтыг амжилттай хийжээ. Туршилтын явцад уг систем 2,000 метрийн өндөрт хөөрч, 385 кВт.ц цахилгааныг газрын эрчим хүчний сүлжээнд нийлүүлсэн байна.
Уламжлалт газарт суурилсан салхин турбинууд ихэвчлэн 10–120 метрийн өндөрт ажилладаг бол S2000 нь 60м урт, 40м өргөн, 40м өндөр, 20,000 м³ эзлэхүүнтэй аэродинамик загвараа ашиглан 2,000 метрийн өндөрт нисэж, газрын гадаргын салхинаас илүү хүчтэй, тогтвортой өндрийн салхийг ашиглан цахилгаан үйлдвэрлэх юм.
Шинжээчдийн үзэж буйгаар энэхүү туршилт нь Хятадын ногоон эрчим хүчний шинэ технологийг бодит хэрэглээнд нэвтрүүлэх, өндрийн салхинаас эрчим хүч гарган арилжааны түвшинд ашиглах чухал алхам болж байна. Цаашид S2000-ийг хот, тосгоны эрчим хүчний хэрэгцээнд нэвтрүүлэх нь цаг хугацааны асуудал хэмээн онцолжээ.
Эх сурвалж: Xinhua News Agency, China Focus
