2026.10.07 | Франц
Францын ахлах сургуулийн сурагчдын эхлүүлсэн эсэргүүцлийн хөдөлгөөн гурав дахь долоо хоногтоо орж, улс даяар нөхцөл байдал хурцдаж байна. 2026 оны 10 дугаар сарын 6-нд Франц даяар 266,000 хүн жагсаалд оролцсон гэж эрх баригчид мэдээлсэн бол зохион байгуулагчид энэ тоог ойролцоогоор 450,000 гэж тооцжээ.
Эсэргүүцлийн жагсаал анх 9 дүгээр сарын 21-нд Парисын захын Кретей орчимд багшийн хомсдол болон сургалтын нөхцөлтэй холбоотойгоор эхэлсэн юм. Түүнээс хойш энэхүү хөдөлгөөн Францын олон хотод тархаж, олон зуун сургууль хичээлээ зогсоох, хаалгаа барих хэмжээнд хүрчээ.
📌 Сурагчид юуг шаардан тэмцэж байна вэ?
– 👨🏫 Багшийн хомсдолыг арилгах
– 🏫 Эвдэрч муудсан сургуулийн барилгуудыг засах
– 👥 Хэт олон сурагчтай ангиудын ачааллыг бууруулах
– ⏰ Хэт урт хичээлийн цагийг өөрчлөх
– 🎓 Их, дээд сургуульд элсэх Parcoursup системийн дарамтыг бууруулах
– 🌡️ Халалтын үеийн сургалтын нөхцөлийг сайжруулах
Зарим сургуулийн сурагчид багшийн орон тоо дутмаг, хичээлийн байрны засвар үйлчилгээ муу, анги танхим хэт ачаалалтай байгааг онцолж байна.
🚨 Эсэргүүцэл даамжирч мөргөлдөөнд хүрэв
Парис, Лион, Страсбург, Ренн зэрэг хотод жагсагчид болон цагдаагийн хооронд мөргөлдөөн гарч, зарим газарт нулимс асгаруулагч хэрэглэсэн байна. Францын Дотоод хэргийн яамны мэдээллээр эсэргүүцэл эхэлснээс хойш 6,100 хүн баривчлагдсан, тэдний дийлэнх нь 18-аас доош насныхан байжээ.
Ерөнхий сайд Себастьян Лекорню сургуулийн нөхцөлтэй холбоотой сурагчдын шаардлагыг хэлэлцэхийн зэрэгцээ хүчирхийлэл, сургуулийн барилга руу халдсан үйлдлийг буруушаасан байна. Тэрээр ахлах сургуулийн хичээлийг энэ долоо хоногийн үлдсэн хугацаанд зогсоох шийдвэр гаргажээ.
🔎 Сурагчдын жагсаал яагаад улс орныг доргиож байна вэ?
Энэ бол зөвхөн хэдэн сургуулийн эсэргүүцэл биш юм. Хэдхэн долоо хоногийн дотор Парисын захын сургуулиудаас эхэлсэн хөдөлгөөн улс даяар тархаж, сурагч, багш, эцэг эх болон үйлдвэрчний эвлэлүүдийг хамарсан томоохон хөдөлгөөн болж байгаа нь Францын боловсролын салбарыг шинэчлэх шаардлага үүссэнийг харуулж байна. Мөн цагаачлалын бодлогыг чангатгах шаардлага үүсэж байгааг мөн харуулсан хэрэг боллоо.
Францын засгийн газар сургалтын нөхцөл болон төсвийн асуудлыг зэрэг шийдвэрлэх дарамттай тулгарч байгаа бөгөөд эсэргүүцэл цааш хэрхэн үргэлжлэх нь анхаарал татсан хэвээр байна.
Эх сурвалж: Reuters · Al Jazeera · AFP · Le Monde
