Бээжинд зохион байгуулагдсан хүн төрөлхтний роботуудын хагас марафонд ялсан робот өнгөрсөн жилийнхээс бараг хоёр цагаар хурдан гүйж, технологийн салбарын асар хурдацтай хөгжлийг дэлхий нийтэд харууллаа.
Бээжингийн E-Town дүүрэгт өнгөрөгч ням гарагт роботуудын хоёр дахь жилийн хагас марафон тэмцээн болж өндөрлөв. Тэмцээнд 100 гаруй баг, 26 брэндийн 300 гаруй хүн дүрст роботууд өрсөлдсөн бөгөөд үүний тав нь гадаадаас оролцсон юм.
Хятадын электроникийн “Honor” компанийн хамтран хөгжүүлсэн Qitian Dasheng багийн “Lightning” робот 50 минут 26 секундээр тэргүүллээ. Энэхүү үзүүлэлт нь Уганда улсын тамирчин Жейкоб Киплимоны 2026 оны 3 дугаар сарын 8-нд Лиссабоны хагас марафонд 57 минут 20 секундээр гүйсэн дээд амжилтыг эвдсэн явдал боллоо.
Роботуудын гүйцэтгэлийг дүгнэвэл 2025 онд болсон роботуудын дэлхийн наадмын үеэр яг ижил зайг туулж түрүүлсэн “Tiangong Ultra” робот 2 цаг 40 минут 42 секундэд гүйсэн билээ. Өөрөөр хэлбэл, нэг жилийн дотор роботуудын хагас марафоны цаг бараг гурав дахин хурдассан байна.
Үүний зэрэгцээ 2026 оны 4 дүгээр сарын 11-нд Хятадын “Unitree” компани өөрийн H1 робот секундэд 10 метрийн хурдаар 100 метр гүйж буй бичлэгээ нийтэлсэн. Энэ нь Ямайкийн домогт гүйгч Усейн Болтын дэлхийн рекорд болох секундэд 10.44 метр хурдтай бараг дүйцэхүйц үзүүлэлт болсон юм.
Хүн төрөлхтний роботуудын хөдөлгөөний чадвар, тэсвэр тэвчээр, балансын технологи ийнхүү хурдацтайгаар сайжирч буй нь ирээдүйд робот ба хүний биеийн чадварын зааг улам бүр ойртохыг илтгэж байна.
Эх сурвалж: CGTN, Unitree Robotics
#Шортлимн #Технологи #Робот #ХятадТехнологи #Marathon #HumanoidRobots #Unitree #Beijing
