АНУ-ын Ерөнхийлөгч Трамп 2026 оны 4 дүгээр сарын 30-ны өдөр Путинтэй утсаар ярилцсан байна. Оросын тал Ираны 450 кг баяжуулсан ураныг тус улсаас зайлуулах боломжтой тухай саналаа илэрхийлсэн боловч Трамп саналаас татгалзаж Украйны дайныг эхлээд дуусга гэж хариулсан байна.
Оросын Росатом компани Ираны ураныг хүлээн авахад бэлэн гэдгээ мэдэгдсэн боловч АНУ-ын албан тушаалтнууд ураныг Орост илгээхээс эрс татгалзаж байна. Өмнө нь 2015 оны хэлэлцээрийн үед Иран ураныхаа ихэнхийг Орос руу шилжүүлж байсан туршлага байдаг боловч энэ удаа тухайн үеэс нөөц нь хэд дахин өссөн тул одоо нөхцөл байдал илүү төвөгтэй болжээ.
Харин Ираны тал цөмийн баяжуулсан ураныг ямар ч нөхцөлд хаана ч шилжүүлэхгүй гэж мэдэгдэж, баяжуулалтын эрхээ хадгалах шаардлагыг тавьж хэлэлцээр амжилтгүй болсоор байгаа юм.
Тал талын байр суурийг харвал АНУ “тэг баяжуулалт” шаардаж байхад Иран зөвхөн хэмжээ, баяжуулалтын түвшнийг хэлэлцэхэд бэлэн гэжээ.
Түүнчлэн ОХУ-Украйны дайны үед Путин 2026 оны 5 дугаар сарын 9-нд болох Ялалтын баярын үеэр Украйнд газ зогсоох тухай санал болгосон боловч Зеленский энэ саналд татгалзсан байна.
Дэлхийн улс төрийн нөхцөл байдал ээдрээтэй хэвээр байгаа энэ үед нефтийн үнэ нэмэгдсээр 110 ам.долларын босгыг дахин давлаа.
Эх сурвалж: Reuters, Bloomberg, Axios, Al Jazeera, CBS News
#Иран #АНУ #Орос #Трамп #Путин #Цөм #Хормуз #Уран #Iran #Russia #Trump #Putin #Nuclear #Shortlymn
