АНУ-ын Ерөнхийлөгч Дональд Трамп Их Британийн хаан Чарлез III-ийн төрийн айлчлалын дараа Шотланд вискинд ногдуулж байсан татварыг цуцлах шийдвэр гаргалаа. Энэ алхам нь хоёр улсын худалдааны харилцаанд бодит дулаан уур амьсгал авчирсан хэрэг боллоо.
АНУ-Их Британийн худалдааны нийт тэнцлийг харвал Вашингтон ихэвчлэн ашигтай буюу эерэг баланс хадгалдаг ч виски бол эсрэг урсгалтай онцгой бүтээгдэхүүн юм. АНУ нь Шотланд вискиний дэлхийн хамгийн том зах зээл хэвээр бөгөөд жил бүр 1 тэрбум ам.доллараас давсан импорт хийдэг байна.
Өнгөрсөн 2025 оны байдлаар Шотландоос АНУ руу экспортолсон виски ойролцоогоор 120 сая шилд хүрсэн ч Трампын тарифын нөлөөгөөр 15 орчим хувиар буурсан үзүүлэлттэй байв. Гэсэн ч америк хэрэглэгчид жил бүр 100 саяас дээш шил импортын виски хэрэглэсээр байгаа нь энэ зах зээлийн цар хүрээг харуулж байна.
Ийм нөхцөлд татвар цуцлагдсан нь зөвхөн Шотландын үйлдвэрлэгчдэд ашигтайгаас гадна АНУ-ын дотоодын бурбон дарсны үйлдвэрлэл, модон торхны нийлүүлэлт зэрэг харилцан хамааралтай салбаруудад ч эерэг нөлөө үзүүлэхээр байна. Ингэснээр АНУ-Их Британийн худалдааны эргэлт илүү идэвхжих боломжтой гэж шинжээчид үзэж байна.
Эх сурвалж: Reuters, The Wall Street Journal
#Shortlymn #Trump #UKUSA #Whisky #Trade
