АНУ-ын Жоржиа мужийн Gainesville хотод 2026 оны 2-р сарын 10-ны өдөр бага оврын, нэг хөдөлгүүртэй нисэх онгоц хөдөлгөөн ихтэй авто зам дээр ослын буулт хийжээ. Тус онгоц нь Hawker Beechcraft Bonanza загварын хувийн нислэгийн онгоц бөгөөд Lee Gilmer Memorial Airport-оос хөөрөөд удалгүй хөдөлгүүрийн доголдол илэрч, нисгэгч буцаж газардах оролдлого хийсэн байна.
Гэвч хөдөлгүүрийн ажиллагаа бүрэн алдагдсаны улмаас нисгэгч хотын Browns Bridge Road хэмээх ачаалал ихтэй, өргөн замыг сонгон яаралтай газардах шийдвэр гаргасан бөгөөд буух явцдаа гурван автомашинтай мөргөлдсөн байна. Осол болох агшинд замын хөдөлгөөн их байсан ч илүү ноцтой үр дагавар гарсангүй.
Нисгэгчийн радио холбооны бичлэгт “Бид үгүй болохгүй гэж бодож байна, эхнэр, эцэг эхдээ хайртайг минь дамжуулаарай” хэмээн хэлсэн нь олон нийтийн анхаарлыг татаж байна. Аз болоход онгоц амжилттай газардаж, хохирол харьцангуй багатай зогссон байна.
Онгоцонд зорчиж явсан хоёр хүн болон мөргөлдсөн автомашинуудын зорчигчид хөнгөн гэмтэл авсан ч амь насанд аюулгүй гэж цагдаагийн байгууллага мэдээлжээ. Ослын дараа замыг түр хааж, аврах алба, түргэн тусламжийнхан ажиллан замыг цэвэрлэсний дараа хөдөлгөөнийг хэвийн болгосон байна.
Хувийн нислэгийн зах зээл өндөр хөгжсөн АНУ-д бага оврын агаарын хөлгүүдийн техникийн доголдол, ослын буулт үе үе тохиолддог бөгөөд энэ удаагийн явдал нь нисгэгчийн шуурхай шийдвэр, ур чадвар илүү том эрсдэлээс сэргийлж чадлаа.
Эх сурвалж: CBS News
