Дайны ширүүн нөхцөлд Иранд бас өөр нэгэн цочирдом мэдээ гарлаа. Ираны шинэ Дээд удирдагч Можтаба Хаменей ухаангүй байгаа бөгөөд улсаа удирдах чадваргүй болсон гэж АНУ болон Израилийн тагнуулын мэдээлэлд дурджээ.
The Times UK-ийн нийтэлсэн тус тэмдэглэлд “Можтаба Хаменейн биеийн байдал хүнд, эмчлүүлж байгаа бөгөөд засаглалын ямар ч шийдвэр гаргах боломжгүй” гэж тодорхой заасан байна.
Өдгөө 56 настай Хаменей эцгээ алдаж, өөрөө Дээд удирдагч болсноос хойш нийтийн өмнө нэг ч удаа гарч ирээгүй, алагдсан ахлах командлагчдын оршуулгад оролцоогүй, видео мессеж гаргаагүй, зургаа ч нийтлээгүй бөгөөд мэдэгдлийг нь камерт биш, зурган дэвсгэр дээр мэдээний хөтлөгч уншиж хүргэсэн юм.
Ираны албаныхан тэрээр “бага зэрэг хөлийн гэмтэл” авсан гэж мэдэгдэж байсан ч нийтийн өмнөөс алга болсон шалтгааныг тодорхой хэлж байгаагүй билээ.
Одоо задарсан мэдээлэл нь бодит байдал хаана хүртэл нуугдаж байсныг гэрчилж байна. Хэрэв Дээд удирдагч урт хугацаанд засаглал явуулах чадваргүй хэвээр байвал Исламын Хувьсгалт Харуул (IRGC) эрх мэдлийг гартаа авах уу гэсэн асуулт гарч ирж байна.
Энэ мэдээ нь яг Трампын тавьсан сүрдүүлгийн хугацаа дуусахаас өмнөх өдөр, дайны хамгийн эмзэг цагт гарч ирснийг тэмдэглэх нь зүйтэй.
Эх сурвалж: The Times UK, Jerusalem Post
#Иран #МожтабаХаменеи #ДээдУдирдагч #АНУИранДайн #Iran #MojtabaKhamenei #USIranWar #Shortlymn
