АНУ-ын Ерөнхийлөгч Дональд Трамп Иранд улам хатуу цохилт өгөхөөр заналхийлж буй эмзэг энэ мөчид Тегераны зүгээс өвөрмөц хариу алхам хийлээ. Тэд иргэдийг бие биедээ гараа өгч, цахилгаан станцуудаа хүрээлж амиараа хамгаалахыг уриаллаа.
“Мягмар гараг бол Цахилгаан станц, Гүүрний өдөр байх болно хоолойгоо нээ, эс бөгөөс там дотор амьдрах болно” гэж Трампын сүрдүүлсэн өдөр Монголын цагаар лхагва гарагийн шөнө эхлэх юм.
Ираны Спорт, залуучуудын яамны Дэд сайд Алиреза Рахими улсынхаа тамирчид, уран бүтээлчид болон оюутнуудыг цахилгаан станцуудын эргэн тойронд “хүний гинж” байгуулахыг уриалсан бөгөөд энэ нь АНУ-ын боломжит цохилтоос үндэснийхээ дэд бүтцийг хамгаалах амин чухал арга хэмжээ гэж тайлбарлаж байна.
Уриалга нь Трампын нийгмийн сүлжээнд хийж буй заналхийллийн эсрэг маш том ухаалаг алхам боллоо. Трамп олон мянган энгийн иргэдээр бүслэгдэн хамгаалагдсан нийгмийн дэд бүтцүүдэд цохилт хийхгүй гэж найдаж байна.
Харин олон улс нэг дуугаар Трампыг зэмлэж байна. НҮБ-ын төлөөлөгч иргэний дэд бүтцэд халдах олон улсын хуулиар хориотой гэж анхааруулсан бол хуулийн экспертүүд Трампын заналхийллийг “тодорхой хэмжээгээр хууль бус арга хэмжээний сүрдүүлэг” хэмээн тодорхойлов.
Иран улс нийт 92 сая хүнд эрчим хүч нийлүүлдэг тул станцуудыг устгавал эмнэлэг, усан хангамж, хүнсний хангамжийн сүлжээнд шууд нөлөөлж олон сая хүний амь нас эрсдэлд орох болно.
Дайсагнагч талуудыг зуучлах дипломат арга хэмжээний хүрээнд Пакистан, Египет, Турк улсуудаар дамжуулж 45 хоногийн гал зогсоох санал тавигдсан боловч Иран, АНУ аль аль нь дэмжсэнгүй.
Одоо цаашид дайны үйл явц хэрхэн үргэлжлэхийг анхааралтай ажиглах л үлдлээ. Даян дэлхий энх тайван байг.
Эх сурвалж: Firstpost, NPR, Al Jazeera, CBS News #Иран #АНУИранДайн #Трамп #ХормузынХоолой #ЦахилгааныСтанц #Iran #Trump #USIranWar #HormuzStrait #Shortlymn
