АНУ болон Израйлын зүгээс Иранд явуулж буй гэнэтийн довтолгоо нь дэлхийн геополитикийн орчинд шинэ дохио өгч байна. Шинжээчдийн үзэж буйгаар энэ үйл явдал нь Хойд Солонгост “цөмийн зэвсэг бол дэглэмийн аюулгүй байдлын гол баталгаа” гэсэн ойлголтыг улам бататгаж, цөмийн болон пуужингийн хөтөлбөрөө үргэлжлүүлэх стратегийг нь улам бэхжүүлэх магадлалтай байна.
Олон улсын судалгааны байгууллагуудын үнэлгээгээр Хойд Солонгос одоогоор 30-50 орчим цөмийн хошуутай гэж тооцогддог бөгөөд ирэх жилүүдэд энэ тоог нэмэгдүүлэх зорилготой гэж шинжээчид үздэг.
Үүний зэрэгцээ Трамп дараагийн нуран унах дэглэмүүдийн нэг нь Куба байж магадгүй гэж мэдэгдсэн нь олон улсын анхаарлыг татсан юм. Зарим шинжээчдийн үзэж буйгаар Трампын хэрэгжүүлж буй энх тайвны төлөвлөгөөнд дараагийн цэгцлэх ёстой улсуудын нэгт Хойд Солонгос ч багтсан байж болзошгүй гэсэн таамаглалыг үгүйсгэх аргагүй гэжээ.
Энэхүү мэдэгдэлтэй зэрэгцэн Хойд Солонгос цэргийн сүрт парад зохион байгуулж, шинэ байлдааны хөлөг онгоцноос стратегийн далавчит пуужин хөөргөх туршилтаа амжилттай хийснээ төрийн төв хэвлэл мэдээллээр олон улсад цацсан нь АНУ-д өгч буй улс төр, геополитик, цэрэг армийн хүчийг харуулсан стратегийн мэдэгдэл гэж дүгнэж байна.
Тоймч Х.Одхүү
#NorthKorea #Iran #US #Israel #NuclearWeapons #Geopolitics #ShortlyMN
