Хормузын хоолойн хаалт гурав дахь долоо хоногтоо орж байгаа өнөөдөр Олон улсын эрчим хүчний агентлаг буюу “IEA” дэлхийн эдийн засагт “томоохон аюул занал” учирч байгааг албан ёсоор мэдэгдэв.
IEA-ийн дүгнэлтээр одоогийн эрчим хүчний хямрал 1970-аад оны нефтийн цочролоос ч хүнд нөхцөлд хүрсэн байна. Дэлхийн нефтийн нийлүүлэлтийн 20 гаруй хувийг дамжуулдаг Хормузын хоолой хаагдсан нь нефть болон байгалийн хийн тээвэрт ноцтой нөлөөлж байна. Зүүн Өмнөд Азийн улсуудын шатахуун түгээх станцын оочир ихсэж, шатахууныг хязгаартай олгож, зарим газар тасарч эхэлсэн байна
Японы Ерөнхий сайд Санаэ Такаичи 3 дугаар сарын 26-наас эхлэн улсын стратегийн нефтийн нөөцөөс нийлүүлэлт эхлүүлэхээ мэдэгдэв. Өмнөд Солонгосын Ерөнхийлөгч Ли Жэ Мён нийтэд хандан эрчим хүч хэмнэх уриалга гаргаж, нэмэлт төсвийн санхүүжилт шаардлагатай гэж үзсэн байна. Шинэ Зеланд улс нефтийн үнийн өсөлтөөс хамгаалах зорилгоор 143,000 өрхөд долоо хоногт 50 ам.долларын нэмэгдэл дэмжлэг үзүүлэхээ зарлав. Улс орнууд нэг нэгээр ийнхүү хариу арга хэмжээ авч байгаа нь хямралын цар хүрээний өргөн байдлыг илтгэж байна.
Нефтийн үнэ $100 давсан нь дэлхийн инфляцад шууд нэмэлт дарамт учруулж байгаа бөгөөд агаарын тээврийн JET-A1 шатахууны үнэ 40 гаруй хувиар огцом өссөн нь иргэний нисэхийн салбарт хүнд цохилт болж байна.
Манай улсад хямралын давлагаа аль хэдийн нөлөөлөөд эхэлсэн бөгөөд шатахуун импортлогчид түлшний үнийг нэмэгдүүлэх саналаа Засгийн газарт хүргүүлээд байна.
Хормузын хоолойн хаалт үргэлжлэх тусам дэлхийн эрчим хүчний хямрал улам гүнзгийрэх төлөвтэй байна.
Эх сурвалж: IEA, Reuters, Bloomberg
#EnergyCrisis #IEA #OilPrice #Hormuz #Iran #GlobalEnergy #Inflation #Japan #SouthKorea #NewZealand #ЭрчимХүч #НефтийнҮнэ #Инфляци #ДэлхийнЭдийнЗасаг #ХормузынХоолой #ShortlyNews #ЗөвхөнЧухлыг
