Ираны дайны улмаас Хормузын хоолой хаагдаж дэлхийн газрын тосны үнэ огцом нэмэгдсэн нь цахилгаан автомашин (EV)-ы зах зээлд гэнэтийн өсөлт авчраад байна.
Ираны дайн 2026 оны 2 дугаар сарын 28-нд эхэлснээс хойш дэлхийн газрын тосны нийт нийлүүлэлтийн 20 гаран хувьд тасалдал үүсэж, Европын Холбооны улсуудад бензиний дундаж үнэ литр тутамд 2 еврогоос давсан бол АНУ-д галлон тутамд 4 ам.долларын босгыг 2022 оноос хойш анх удаа давсан байна үзүүлэлттэй байна.
Тэгвэл энэ хугацаанд цахилгаан автомашины зах зээл хэрхэн өсөв? Европ дахь өсөлт:
Их Британид цахилгаан автомашины борлуулалт түүхэн дээд хэмжээнд хүрч, 2026 оны 3 дугаар сард 86,120 машин зарагдсан. Их Британийн EV-ийн тусгай зориулалттай “Octopus Electric Vehicles” компани дайн эхэлснээс хойш цахилгаан автомашины түрээсийн хүсэлт 36 хувиар нэмэгдсэн гэж мэдэгдэв. Францын онлайн худалдаачин Aramisauto-гийн EV борлуулалтын эзлэх хувь хоёр дахин нэмэгдэж, 2 дугаар сарын 16-наас 3 дугаар сарын 9-ний хооронд 6.5 хувиас 12.7 хувь хүртэл өссөн байна. Германы хамгийн том онлайн машины зах зээл болох mobile.de дээрх EV-ийн хайлтын эзлэх хувь 3 дугаар сарын эхнээс хойш гурав дахин нэмэгдэж 12 хувиас 36 хувь хүрсэн байна.
Ази, Номхон далайн бүс:
Шинэ Зеланд улсад 3 дугаар сараас хойш долоо хоногт 1,000 гаруй цахилгаан автомашин шинээр бүртгэгдэж, 2023 оны эцсээс хойших EV-ийн бүртгэлийн хамгийн өндөр долоо хоног боллоо. Зүүн Өмнөд Азийн улсууд, Австралид түлшний үнэ нэмэгдэхийн хэрээр цахилгаан автомашины худалдан авалт, хайлт огцом өссөн байна.
АНУ-ын зах зээл:
АНУ-ын EV-ийн борлуулалт 3 дугаар сард огцом сэргэж, шинэ EV-ийн борлуулалт 82,629 ширхэгт хүрч 2 дугаар сараас 20.2 хувиар, хуучин EV-ийн борлуулалт 42,924 ширхэг буюу 53.9 хувиар нэмэгдсэн байна. Өнгөрөгч 3 дугаар сард хуучин EV-ийн дундаж үнэ 34,653 ам.доллар байсан нь өмнөх жилийнхээс 6.1 хувиар буурсан бөгөөд бензинээр явдаг машинуудтай харьцуулахад 1,012 ам.долларын зөрүүтэй болжээ.
Хятадын BYD-н гадаадын борлуулалт:
Хятадын BYD компани 2026 оны гадаад зах зээлийн төлөвлөгөөгөө 1.3 саяас 1.5 сая машин болгон 15 хувиар нэмэгдүүлж, 3 дугаар сард BYD-ийн нийт борлуулалтын 40 хувийг гадаад зах зээл эзэлсэн байна.
“Тээвэр ба Байгаль Орчин” судалгааны байгууллагын тайланд Европын Холбоонд бүртгэлтэй 8 сая орчим EV нь 2025 онд 46 сая баррель нефтийн импортыг бууруулж, 3 тэрбум евро (3.45 тэрбум ам.доллар) хэмнэх юм. Энэ нефтийн үнийн өсөлтөд бензинээр явдаг жолооч нар цахилгаан автомашины эзэмшигчдээс таван дахин их өртөмтгий байна гэжээ.
Шинжээчид EV-ийн гэнэтийн өсөлт нь түр зуурынх уу, эсвэл урт хугацаанд үргэлжлэх үү гэдэг дээр маргаантай хэвээр байна. Гэвч Ираны дайнаас үүдсэн эрчим хүчний хямрал цахилгаан автомашины салбарт том давуу байдал бий болгож байгаа нь тодорхой болоод байна.
Эх сурвалж: CNBC, TIME, Reuters, Cox Automotive
#ЦахилгаанМашин #EV #ИранДайн #ХормузынХоолой #BYD #ШатахуунҮнэ #ЭрчимХүч #ElectricVehicles #IranWar #StraitOfHormuz #EVMarket #shortlymn
