Хятадын хамгийн том Бээжин авто шоу 2026 оны 4 дүгээр сарын 24-ний баасан гарагт нээгдэж, Huawei болон Chery Automobile хамгийн сүүлийн үеийн цахилгаан автомашинуудаа танилцууллаа. Хятадын автомашин үйлдвэрлэгчид борлуулалтаа нэмэгдүүлэх, үйлдвэрийн хүчин чадлаа бүрэн ашиглахын тулд Huawei-тэй улам идэвхтэй хамтран ажиллаж байна. Энэ нь 2021 онд Aito брэндийг гаргаж, Seres компанийг сэргээсэн амжилтыг давтах зорилготой юм.
Aito брэнд 2024 оны байдлаар $72,500-аас дээш үнэтэй бүх төрлийн автомашины сегментэд BMW, Mercedes-Benz, Audi зэрэг Германы брэндүүдийг Хятадын зах зээлд давж гарсан байна.
Хятад улс дэлхийн хамгийн том, хамгийн хөгжингүй автомашины зах зээлтэй ч олон жилийн үнийн дайнаас болж автомашины илүүдэл үүсээд байна. Ялангуяа барууны орнуудад төдийлөн танигдаагүй компаниудын олноор үйлдвэрлэсэн цахилгаан автомашинууд зах зээлийг дүүргэжээ.
Хятадын зах зээлд 2026 оны эхний улиралд автомашины борлуулалт өмнөх оноос 18 хувиар буурсан бөгөөд ойрын хугацаанд өсөлт сул хэвээр байх төлөвтэй байна. Үүнтэй холбоотойгоор үйлдвэрлэгчид гадаад зах зээлийг илүү өндөр ашиг, өсөлтийн боломж гэж үзэж байна.
Хятадын автомашин үйлдвэрлэгчдийн холбооноос гаргасан таамгаар энэ онд Хятадын нийт автомашины экспорт (суудлын болон ачааны) 4 хувиар өсөх төлөвтэй байна гэжээ.
Эх сурвалж: Reuters
