АНУ болон Израилын Иранд хийж буй цэргийн ажиллагааны үеэр Ойрх Дорнодын агаарын орон зайн аюулгүй байдлын нөхцөл байдал хурцдаж, бүс нутгийн нисэх буудлууд болон агаарын замын хэвийн ажиллагаа алдагдаад 3 дахь 7 хоногийн нүүрийг үзэж байна.
Кувейтийн Иргэний нисэхийн газар 2026 оны 3 дугаар сарын 24-ний өдөр НҮБ-ын харьяа Олон улсын иргэний нисэхийн байгууллага “ICAO”-д албан ёсны эсэргүүцлийн захидал илгээж, агаарын орон зай зөрчигдсөн болон нисэх буудал, иргэний нисэхийн дэд бүтцэд халдлага үйлдэгдсэн явдал нь 1944 оны Чикагогийн конвенцыг ноцтой зөрчсөн гэж мэдэгджээ.
ICAO-д гомдол гаргах нь олон улсын иргэний нисэхийн эрх зүйн хамгийн өндөр түвшний арга хэмжээ юм. Хэрэв ICAO энэ зөрчлийг баталбал холбогдох улсуудад олон улсын нисэхийн эрхүүд хязгаарлагдах боломжтой юм.
Үүнтэй зэрэгцэн дэлхийн томоохон авиа компаниуд Персийн булангийн агаарын зайг тойрч нисэх, нислэгийн тогтсон замаа өөрчилж эхэлснээр нислэгийн цаг, шатахуун, зардлын хувьд ноцтой нэмэгдэл гарч байна. Зарим компани Ойрх Дорнод руу чиглэсэн нислэгийг хэсэгчлэн болон бүрмөсөн зогсоосон байна.
Нефт хомсдож, үнэ өсөж байгаа нь агаарын тээврийн JET-A1 шатахууны үнэ 40 гаруй хувиар нэмэгдэх гол шалтгаан болж байна. Энэхүү үнийн өсөлт нь авиа компаниудад шууд санхүүгийн дарамт учруулж Иргэний нисэхийн түүхэнд байгаагүй уналтыг үзүүлээд байна.
Иргэний нисэхийн 80 гаран жилийн тогтвортой эрх зүйн суурь болох Чикагогийн конвенц энэ удаа шалгалтаа өгч байна. Цаашид ICAO-ын шийдвэр дэлхийн агаарын тээврийн зохицуулалтад шинэ хуудас нээж болзошгүй юм.
Эх сурвалж: ICAO, Reuters, Aviation Week
#ICAO #CivilAviation #AviationSafety #Kuwait #ChicagoConvention #Hormuz #Iran #АгаарынТээвэр #НисэхийнАюулгүйБайдал #ИКАО #ЧикагийнКонвенц #ДэлхийнМэдээ #ShortlyNews #ЗөвхөнЧухлыг
