АНУ-ын Ерөнхийлөгч Дональд Трамп 2026 оны 3 дугаар сарын 24-ний өдөр Ираны цахилгаан станцуудад цохилт өгөх шийдвэрээ 5 хоногоор хойшлуулж байгаагаа мэдэгдсэн бөгөөд Ираны талтай “ажил хэрэгч яриа, хэлэлцээ” болсон хэмээн мэдэгдэв. Олон улсын хэвлэлүүд үүнийг дипломат харилцаа сэргэх сайн мэдээ гэж үнэллээ.
Гэвч Тегеран энэхүү мэдээллийг хүлээн зөвшөөрсөнгүй. Ираны Гадаад яам бид “Вашингтонтой ямар ч яриа хэлэлцээ хийгээгүй” хэмээн эрс үгүйсгэв. Хоёр талын мэдэгдэл нэгнээ үгүйсгэж буй нь энэ “хэлэлцээр” хэр бодитой болоход эргэлзэхэд хүргэж байна.
Энэ үйл явдалтай зэрэгцэн Катар болон Пакистан улсууд сайн дурын үндсэн дээр АНУ-Израйл-Иран улсуудыг эвлэрүүлэн зуучлах энхийн хэлэлцээрийг өөрийн нутаг дэвсгэр дээрээ хийх саналыг мөн гаргаад байна.
Дээрх мэдээллүүд цацагдсанаар олон улсын хөрөнгийн зах зээлүүд огцом хариу үйлдэл үзүүлж, нефтийн үнэ бага зэрэг буурч хувьцааны зах зээлүүд эргэн өслөө. Гэхдээ дипломат дохио болон бөмбөгдөлтүүд зэрэгцэн явагдаж буй нь дэлхийн эдийн засагт тодорхойгүй байдлыг үргэлжлүүлж байна.
Нефтийн тээврийн гол зам болох Хормузын хоолойн хаалт үргэлжилж буй цагт дэлхийн эдийн засаг савлагаатай хэвээрээ байх нь тодорхой юм.
Трамп Ираны иргэний дэд бүтцүүдэд цохилт өгөх эсэх нь цаашдын хөрөнгийн зах зээл, бүс нутгийн энх тайванд шууд нөлөөлөхөөр байна.
Дэлхий нийтээрээ түүний үйлдлийг чих тавин хүлээж байна.
Эх сурвалж: Reuters, AP, Al Jazeera #Iran #USIran #Hormuz #OilCrisis #MiddleEast #Trump #НефтийнХямрал #ХормузынХоолой #ОйрхДорнод #ДэлхийнМэдээ #ShortlyNews #ЗөвхөнЧухлыг
