АНУ-ын Ерөнхийлөгч Дональд Трамп 2026 оны 3 дугаар сарын 19-ний өдөр Цагаан ордонд Японы Ерөнхий сайд Санаэ Такаичиг хүлээн авч уулзжээ. Энэхүү уулзалт нь хоёр улсын стратегийн түншлэлийг бататгахаас гадна дэлхийн хэмжээний эдийн засгийн хамтын ажиллагааг дахин тодотгосон чухал үйл явдал болов.
АНУ болон Япон улс жилд 300 тэрбум ам.доллар давсан худалдааны эргэлттэй бөгөөд Япон нь АНУ-ын хамгийн том хөрөнгө оруулагчдын нэг хэвээр байна. Японы автомашин, электроникийн экспорт АНУ-ын зах зээлд давамгай байр суурь эзэлдэг бол АНУ-аас Япон руу эрчим хүч, тэр дундаа шингэрүүлсэн байгалийн хий (LNG)-н нийлүүлэлт сүүлийн жилүүдэд эрчимтэй өсөж байгаа юм.
Уулзалтын үеэр талууд эдийн засгийн хамтын ажиллагааг гүнзгийрүүлэх, нийлүүлэлтийн сүлжээний тогтвортой байдлыг хангах, өндөр технологи, хиймэл оюун ухаан болон хагас дамжуулагчийн салбарт хамтран ажиллах асуудлыг онцлон хэлэлцжээ.
Мөн Ойрх Дорнод дахь хурцадмал байдал, ялангуяа Ираны дайнаас үүдэлтэй эрчим хүчний зах зээлийн тодорхойгүй байдал нь хоёр улсын эдийн засгийн бодлогод шууд нөлөөлж байгааг онцолсон байна.
Ийнхүү Санаэ Такаичигийн айлчлал нь зөвхөн дипломат харилцааг бэхжүүлэхээс гадна дэлхийн нийлүүлэлтийн сүлжээ, эрчим хүчний аюулгүй байдал, технологийн өрсөлдөөнд чиглэсэн стратеги, эдийн засгийн хамтын ажиллагааг шинэ шатанд гаргаж байгаагаараа онцлог боллоо.
Энэхүү айлчлал нь Санаэ Такаичигийн Ерөнхий сайд болсноос хойших анхны албан ёсны айлчлал юм.
Эх сурвалж: White House
#USJapan #Trump #SanaeTakaichi #WhiteHouse #USJapanAlliance #GlobalEconomy #Trade #LNG #EnergySecurity #Semiconductors #AI #Geopolitics #IranWar #SupplyChain #BreakingNews #АНУ #Япон #Трамп #Такаичи #ЭдийнЗасаг #Худалдаа #ЭрчимХүч #НийлүүлэлтийнСүлжээ #ХагасДамжуулагч #ХиймэлОюунУхаан #Геополитик #ИраныДайн #Мэдээ #Шортлимэдээ
