Пакистаны армийн захирагч Тегеранд хүрэлцэн ирж АНУ, Иран улсуудын хооронд зуучлалыг үргэлжлүүлж байна.
Пакистаны нийслэл Исламабадад болсон энхийн яриа хэлэлцээ бүтэлгүйтсэний дараа Пакистан улс зуучлагчийн үүргээ Тегеранд үргэлжлүүлж байна.
Пакистаны армийн захирагч Фельдмаршал Асим Мунир болон Дотоод хэргийн сайд Мохсин Нагви тэргүүтэй өндөр түвшний төлөөлөгчид 2026 оны 4 дүгээр сарын 16-ны өдөр Тегеранд хүрэлцэн ирж, Ираны Гадаад хэргийн сайд Аббас Аракчитай уулзав. Пакистаны зүгээс Вашингтоны саналыг Тегеранд дамжуулж хэрхэн шийдвэрлэх талаар санал солилцжээ.
Энэхүү энхийн хэлэлцээрийг тун яаралтай буюу 4-р сарын 22-ноос өмнө дуусах шаардлага үүсэж байна. Учир нь 14 хоногийн гал зогсоох хугацаа дуусах дөхөж байна. Мөн Пакистаны тал уг хугацааг сунгахын тулд ажиллаж байгаагаа илэрхийлсэн байна.
Исламабадын яриа хэлэлцээ амжилтгүй болсны дараа АНУ Ираны боомтуудын эсрэг тусгаарлах, бүслэх ажиллагаа эхлүүлсэн бөгөөд томоохон хэмжээний дайралтад бэлэн болоод байгаа юм.
Цагаан ордон хэлэлцээрийн төлөв байдлыг “эерэгээр” үнэлж байгаа бөгөөд дараагийн яриа хэлэлцээг Пакистанд үргэлжлүүлэх магадлалтайг мэдэгдэв. Трамп Иранд цөмийн хөтөлбөрөөсөө татгалзахыг шаардсаар байгаа билээ.
Ямартай ч Пакистаны хүчин чармайлтаар 14 хоног гал зогссон бол цаашид Ираны талын байр суурь бүхнийг шийдэх төлөвтэй байна. Дайнаас үүдэн Иранд 3,000 гаруй хүн амиа алдаад байгаа билээ.
Эх сурвалж: Al Jazeera, CNN
#Иран #АНУ #Пакистан #Тегеран #ГалЗогсоол #Iran #USIranTalks #Pakistan #Diplomacy #shortlymn
